Mae'r tîm yn brofiadol iawn wrth arwain prosiectau creadigol ers nifer o flynyddoedd, ynghyd a chynnig sgiliau celfyddydol cryf mewn cyfryngau 2D, 3D a cherddoriaeth. Nid ydym yn cyfyngu ein hunain un i un ffordd o weithio, gan fod gwell i ni ymateb i bob cyfle mewn ffordd unigryw, addas trwy gyd weithio'n agos hefo'n partneriaid.
Mae ein profiad yn cynnwys datblygu a chyflwyno cyrsiau a phrofiadau i oedolion a phlant trwy gyfrwng y Gymraeg a Saesneg. 'Rydym hefyd wedi cynllunio a chynnal gweithdai mewn person ac o bell, ac wedi trefnu a chyflwyno digwyddiadau cyhoeddus a rheoli ystod o brosiectau treftadaeth a chreadigol.
Mae gan ein staff a gwirfoddolwyr profiad o gefndiroedd amrywiol, megis amgueddfeydd, orielau, ysgolion, y gymuned a'r awyr agored. Mae'r cymwysterau ffurfiol sydd gennym yn cynnwys Addysg, Celfyddyd, Ffotograffiaeth, Cyfathrebu, Marchnata, Arwain timau, ac Astudiaethau'r Amgylchfyd.
Pryd bynnag y gallwn, 'rydym yn cyflwyno prosiectau i'r cyhoedd yn rhad ac am ddim sydd wedi'u hariannu gan grantiau neu ffynonellau allanol sy'n blaenoriaethu'r gymuned. Hyd heddiw, mae ein prosiectau wedi'u hariannu drwy gefnogaeth Llywodraeth Cymru, Ffederasiwn Amgueddfeydd Cymru, Cyngor Gwynedd a Chyngor Celfyddydau Cymru. Mae unrhyw elw'n cael ei ail-fuddsoddi er budd prosiectau yn y dyfodol. 'Rydym wedi yswirio'n briodol, ac mae staff sy'n gweithio hefo'r cyhoedd hefo DBS cyfredol.
Cysylltwch :
Polisiau
